Pehla Pyaar – Mere Vichar

Pehla Pyaar:

Bas in Shabdon Ko Padhte Hi Log Ek Alag Khayalon Me Chale Jate Hai, Waha Jaha Ek Halki Si Khushi Mehsoos Karte Hai, Kahi Dil me Basa kar Rakhi Ek Baat, Jawani ke Dino ki wo Yaad. Kabhi Ek Khwab Jo Dekha Hoga Wo Sayad Adhura Reh Gaya Hoga, Ya Sayad Pura! Per Pehla Pyaar Sabka Special Jarur Hota Hai.💝

Pehla Pyaar Aksar Gali Me Hota Hai Ya to Fir School Me, Wahi Se Shuruat Hoti Hai Zindagi Bhar Dil Ke Kone Mein Rehne Wali Ek Meethi Si Yaad, Pehla Pyar. Wo Chhup-Chhup Ke Unko Dekhna, Nazare Agar Mil Gayi to Wo Khushi, Aur Agar Hath Takra Gaye to Jaise Badan Me Bijli Daud Ne Lage. Bahut Kuchh Kehna Ho Per Ikrar Kaise Kare Sab Pata Ho Kar Bhi Pehle Shuruat Kon Kare! Naseebwale Hote Hai Wo Log Jo Ikrar Kar Liya Karte Hai Warna to Yu Hi Log Ikrar Na Karne Per Pehla Pyaar Gawaya Karte Hai.

Ek Movie jo Mujhe Yaad Ati hai:

Hum Aapke hai Kaun? Movie ka wo Gana Pehla Pehla Pyaar hai.. Pehli Pehli baar hai.. Jaan ke bhi Anjana.. Esa Mera Yaar Hai ho..ho..ho.. Pehla Pehla Pyaar hai… Pehli Pehli Baar hai.., Bahut hi Khubsoorat Gana aur Shoot bhi bahut Achha kiya gaya hai, Nisha aur Prem, Pehle Pyaar ke Rang me Range hue aur movie Emotional bhi Bahut hai aur Sikh bhi Deti hai, khair Movie me to wahi hota hai jo Director ne Chaha per Asal Zindagi ki Baat Alag hoti hai.

Aajkal To Pyaar Sirf Ek Shabd Ban Gaya Hai, Na Hi Koi Ahmiyat, Na Hi Wo Masoomiyat, Na Hi Koi Sachchai, Bas Kehte Hai Ke Pyaar Karte Hai Per Nibhane Ki Baat Aayi to Inkaar Kar Dete Hai. Pehle Log Ek Dusre Ko Samajte The, Izzat Diya Karte The, Ek Dusre Ka Sahara Bana Karte The, Halat Kaise bhi ho per Kabhi Sath nahi Chhodte the. Per Aajkal Jaise Pyaar Ek Khel Ho Gaya Ho, Aaj Kehte Hai Pyaar Karte Hai Aur Kal Kisi Aur Ke Saath.

Waise Ye to the MERE VICHAR, Aapke Sayad Mujhse Alag Bhi Ho Sakte Hai.

Waise Apka Pehla Pyaar Apko Yaad Hai Ki Nahi? Kya Aaj Bhi Wo Apke Dil Ke Kone Mein Rehta Hai? Kya Apne Apne Pehle Pyaar Ka Ikrar Kiya Tha?